၂၀၂၆ ခုနှစ်မှာ ထွက်ရှိထားတဲ့ မလယာလမ် (Malayalam) Action Thriller ဇာတ်ကား "Kattalan" ဟာ သစ်တောနက်ကြီးအတွင်း ဖြစ်ပွားတဲ့ တရားမဝင် ဆင်စွယ်မှောင်ခိုဂိုဏ်းတွေကြားက အာဏာလုပွဲနဲ့ လက်စားချေမှုတွေကို အသားပေးရိုက်ကူးထားတာဖြစ်ပါတယ်။

ဇာတ်လမ်းအကျဉ်းမှာ တောတွင်းမှောင်ခိုလောကကို စိုးမိုးထားတဲ့ အင်အားကြီးဂိုဏ်းနှစ်ခုကြား သွေးထွက်သံယို ပဋိပက္ခတွေ ပြင်းထန်နေချိန်မှာ Antony လို့ခေါ်တဲ့ အမဲလိုက်သမားတစ်ယောက် ပေါ်ထွက်လာပါတယ်။ "Kattalan" (သစ်တောထဲက မုဆိုး) လို့ လူသိများတဲ့ သူဟာ ဆင်စွယ်မှောင်ခိုဂိုဏ်းတွေနဲ့ ပူးပေါင်းလုပ်ကိုင်ရင်း တောတွင်း ဒုစရိုက်လောကထဲ အတော်လေး သဩဇာညောင်းသူ ဖြစ်လာပါတယ်။ သို့ပေမဲ့ ဂိုဏ်းအချင်းချင်း သစ္စာဖောက်မှု၊ အာဏာလုမှုတွေနဲ့အတူ လက်စားချေလိုစိတ်တွေ ထိန်းမရအောင် ပြင်းထန်လာတဲ့အခါမှာတော့ တောနက်ကြီးတစ်ခုလုံး တိုက်ပွဲဧရိယာဖြစ်သွားခဲ့ပါတယ်။

မင်းသား Antony Varghese က ခေါင်းဆောင်မင်းသားအဖြစ် ပါဝင်ထားပြီး Action ခန်းတွေကို ကြမ်းကြမ်းတမ်းတမ်း ရိုက်ပြထားပါတယ်။ Ravi Basrur နဲ့ B. Ajaneesh Loknath တို့ရဲ့ နောက်ခံတေးဂီတကလည်း ဇာတ်ကားရဲ့ သည်းထိတ်ရင်ဖို ရောမထွေးခတ် ရသကို ပိုမိုပီပြင်စေပါတယ်။

သစ်တောကြီးရဲ့ အမှောင်ဘက်ခြမ်း၊ ဒုစရိုက်လောကရဲ့ ရက်စက်မှုတွေနဲ့ အကြမ်းပတမ်း Action ဇာတ်ကားကြိုက်နှစ်သက်သူတွေအတွက် ကြည့်ရှုသင့်တဲ့ မလယာလမ် ရုပ်ရှင်ဇာတ်ကားတစ်ကား ဖြစ်ပါတယ်။